ថ្ងៃនេះ​កាល២០០៦គឺជាថ្ងៃកំនើតនៃមនុស្សអាក្រក់ក្នុងស្រុកខ្មែរពិបាករស់

បើគ្មានកំនើតគណបក្សសម្ព័ន្ធដើម្បីប្រជាធិបតេយ្យនេះទេ មុខជាខ្ញុំគ្មានថ្ងៃបានយល់អ្វីទៅជា
នយោបាយបោកប្រាស់ ប្រជាភិថុត និងនយោបាយជាមុខរបររបស់ពួកអ្នកនយោបាយ
ស្រុកខ្មែរនេះឡើយ។ ២៦ មិថុនា ២០០៦ គឺជាថ្ងៃចាប់ផ្ដើមក្នុងការដេញវាយអំពើអាក្រក់
នៅក្នុងសង្គមខ្មែរដែលកំពុងតែជ្រកក្រោមស្លាក សាសនា នយោបាយ និងស្ថាប័ន្ធអង្គការសង្គម
ស៊ីវិលនានាក្នុងរូបភាពជាអ្នកជួយ អប់រំប្រៀនប្រដៅ និងសង្គ្រោះអាយុជីវិតខ្មែរ។

កំនើតរបស់គណបក្សសម្ព័ន្ធដើម្បីប្រជាធិបតេយ្យ គឺជាកំនើតនៃការពិបាករស់របស់ពួកមនុស្ស
អាក្រក់ទាំងឡាយនៅក្នុងសង្គមខ្មែរ។ ជនថោកទាបទាំងឡាយ ដែលបានសោយសុខលើគំនរ
ទុក្ខរបស់រាស្ដ្រខ្មែរមកជាយូរក្រោមស្លាកគណបក្សនយោបាយ ស្លាកសាសនា និងស្លាកអង្គការសង្គមស៊ីវិលនានា កំពុងតែក្ដៅក្រហាយនឹងការងាររបស់គណបក្សសម្ពូ័ន្ធដើម្បី
ប្រជាធិបតេយ្យ ដែលកំពុងតែបើកបង្ហាញពីចំនុចបោកប្រាស់របស់ពួកគេជាបន្ដើរៗ។
ជនថោកទាបមកជ្រកក្រោមស្លាកជាបណ្ឌិត ជនបោកប្រាស់មកជ្រកក្រោមស្លាកជាអ្នកជួយ ពួក
អាចោរថង់យាម ដែលមកជ្រកក្រោមស្លាកជាស្រែបុណ្យរបស់ប្រជាពលរដ្ឋខ្មែរ កំពុងតែក្ដៅ
នៅមិនសុខដោយសារតែការងារសុចរិតរបស់ក្រុមគណបក្សសម្ព័ូន្ធដើម្បីប្រជាធិបតេយ្យនេះ។

ជាក់ស្ដែងភាពក្ដៅក្រហាយរបស់ពួកគេបានបង្ហាញចេញមកជាអន្លើៗតាមរយះ សកម្មភាពជាក់
ស្ដែងរបស់ពួកគេដែលបានប្រតិកម្មចំពោះការងាររបស់គណបក្សសម្ព័ន្ធដើម្បីប្រជាធិបតេយ្យនេះ។

សូមមិត្ដសម្ព័ន្ធទាំងអស់ រក្សានូវការងាររបស់ពួកយើងទៅមុខជានិច្ច ទៅតាមលទ្ធភាពនិងសមត្ថភាពរបស់ុយើង ក្នុងការដេញកំទេចអំពើអាក្រក់ទាំងឡាយ
នៅក្នុងសង្គមរបស់យើង។ លទ្ធផលនៃការងាររបស់យើងវានឹងបង្ហាញទៅតាមការប្រឹងប្រែង
របស់ពួកយើងទាំងអស់គ្នានេះហើយ។ មាុតភូមិរបស់ពួកយើងមិនអាចខ្វះពួកយើងបាននោះទេ។
ដើម្បីសេចក្ដីសុខនិងសេចក្ដីថ្លៃថ្នូរនៃជនជាតិរបស់យើងក្នុងការបន្ដរស់នៅលើទឹកដីរបស់យើង
បានក្នុងភាពជាម្ចាស់នោះ មានតែពួកយើងនេះហើយជាអ្នកចាប់ផ្ដើមធ្វើការងារនេះក្នុងនាមជាអ្នក
ដឹងមុន អោយទៅដល់ជនរួមឈាមរបស់យើង។

"មាតុភូមិមួយនេះនឹងមិនអាចក្លាយជាទីសុខសាន្ដរបស់យើងបានទេ បើយើងមិនចូលរួមគ្នាកសាងវាដោយកណ្ដាប់ដៃរបស់ពួូកយើងនោះទេ"។

"នៅលើលោកនេះគ្មានកន្លែងណាមួយអាចផ្ដល់ជាទីសុខសាន្ដសំរាប់ពួកយើងក្រៅពីមាតុភូមិរបស់យើងនេះឡើយ"។

នេះជាសំដីប្រមុខរបស់យើងដែលខ្ញុំតែងតែចាំនិងនឹកគិតចំពោះវាជារាងរាល់ពេលស្ទើគ្រប់ខណៈនៃពេលវេលាប្រចាំថ្ងៃរបស់ខ្ញុំ។ ខ្ញុំចង់អោយវាក្លាយជាប្រុយោគដ៏សំខាន់សំរាប់ជនរួមឈាមរបស់យើងគ្រប់គ្នា។