មេដឹកនាំខ្មែរមានតែអាអន់ទើបបានប្រទេសរលាយ

តើមេដឹកនាំខ្មែរតាំងពីមុនមកគិតត្រឹមសម័យសង្គមរាស្ដ្រនិយម មានអ្វីនិងគ្មានអ្វី??

និយាយពីសម័យសង្គមរាស្ដ្រនិយម ដែលកាលនោះមានមេដឹកនាំជាព្រះនរោត្ដមសីហនុ។ សម័យនេះគេល្បីដល់ឥឡូវថាជាសម័យរុងរឿងសំបូរសប្បាយ តែបើយើងរំលឹកដល់លទ្ធផលជាប្រយោជន៍ដល់ប្រជាពលរដ្ឋខ្មែរដូចគ្នាអ្វីទាល់តែសោះ លើកលែងតែអាគាមួយចំនួននៅក្នុងក្រុងនិងតាមខេត្ដ។
សំរាប់គោលនយោបាយក្នុងស្រុកព្រះអង្គធ្វើនយោបាយដើម្បីតែខាបយកសេចក្ដីស្រលាញ់ពីប្រជានុរាស្ដ្រ ដោយបាចសារុងក្រម៉ា ពីឡាននិងកប៉ាល់ហោះប៉ុននោះ។

បើនិយាយពីនយោបាយការបរទេស ព្រះអង្គទំនរទៅរកតែពួកកុម្មយនីសដែលមានសហភាពសូវៀត ចិន កូរ៉េខាងជើង និងវៀតណាម ហើយទីបំផុត ជាប់អន្ទាក់ស្រីស្អាតរបស់ហូជីមីញ យល់ព្រមបង្ហូរទាហានវៀតណាមអោយចូលមកក្នុងទឹកដីខ្មែរ ដើម្បីធ្វើសង្គ្រាមនៅកម្ពូជាក្រោមប្រឆាំងនឹងពួកសេរី (អាមេរិច បារាំង...) ដែលជាហេតុអ្វីអោយអាមេរិចទំលាក់គ្រាប់ក្នុងទឹកដីខ្មែរងាប់និងរបួសជនជាតិខ្មែររាប់ម៉ឺននាក់ ដីស្រែជាច្រើនរបស់កសិករមិនអាចបង្កបង្កើនផលបានដោយសារតែខ្លាចគ្រាប់របស់អាមេរិច។ ដោយមិនខ្វល់ពីសេចក្ដីទុក្ខនិងវាសនារបស់ជនជាតិខ្មែរនិងប្រទេសខ្មែរមេដឹកនាំអង្គនេះបាន ធ្វើដំនើរទៅលេងនៅប្រទេសប៉ែក អឺរ៉ុបធ្វើមិនដឹង។

ដោយឃើញស្ថានភាពរបស់ប្រទេសមិនស្រួលបែបនេះ លន់ នុល បានធ្វើលិខិតអញ្ជើញសម្ដេចសីហនុអោយយាងត្រឡប់ចូលមាតុប្រទេសវិញ ដើម្បីប្រកាសលុបចោលសន្ធិសញ្ញា ដែលបានព្រៀមព្រាងនឹងហូជីមីញចូល ដើម្បីរៀបចំទ័ព ប្រឆាំងនឹងទ័ពវៀតណាមចេញពីស្រុកខ្មែរដោយព្រមទទួលជំនួយពីអាមេរិច តែស្ដេចអង្គនេះ ធ្វើមិនដឹង ហើយបន្ដដំនើរពីបារាំងទៅរូស៊ី។

ចំនុចនេះហើយដែលជាហេតុអ្វីអោយស្រុកខ្មែរនាកាលនោះមានរបបថ្មីមួយទៀតដែលដឹកនាំដោយសេនាប្រមុខលន់ នុល។ ក្រោយពីលន់​​ នុលបរាជ័យក្នុងការយាងស្ដេចចូលស្រុកដើម្បីដេញទ័ពវៀតណាមចេញពីប្រទេសមិនបាន លន់ នុលនិងព្រះអង្គម្ចាស់សេរីអមតៈបានគិតថាមានតែទំលាក់ទ្រង់មួយអន្លើសិន ដើម្បីដេញយួនចេញពីស្រុកខ្មែរទើបបាន បើមិនដូច្នេះទេ មុខជាពលរដ្ឋខ្មែរបាស់បោរទូទាំងប្រទេសហើយ។ បានគិតគ្នាហើយ ទើបអ្នកទាំង២បានសំរេចចិត្តធ្វើរដ្ឋប្រហាទំលាក់សីហនុ ពីប្រមុខរដ្ឋ។
នេះចូលរបបថ្មីមួយទៀតដែលដឹកនាំដោយលន់ នុល និងព្រះម្ចាស់សេរីអមតៈ ដោយមានអាមេរិចជាអ្នកពីក្រោយ។

និយាយពីសីហនុវីញ បានក្ដៅក្រហាយ​ហើយរត់ទៅរកសូវៀត ចិន និងវៀតណាមដើម្បីស្វែករកជំនួយធ្វើសង្គ្រាមប្រឆាំងនឹងពួកលន់ នុល។ ចំនែកទាហានលន់ នុលបានធ្វើសង្គ្រាមប្រឆាំងនឹងទាហានវៀតណាម និងបាញ់សំលាប់ជនជាតិវៀតណាមលើដីខ្មែររាប់មិនអស់។

ក្នុងពេលជា១គ្នានេះដែរ ពល ពត អៀងសារី អៀង​ ធារឹទ្ធិ ខៀវ សំផន នួន ជា ដែលជាអ្នកខ្លះជាអតីតនិស្សិតពីប្រទេសបារាំង ហើយជាអ្នកចូលចិត្ដមនោគមន៍នយោបាយកុម្មុយនីសផងនោះ ត្រូវបានខ្មោចហូជីមីញ បណ្ដុះបណ្ដាលនៅក្រុងហាណូយ។ ដោយដឹងតំនឹងពីសីហនុ ចង់បានតំនែងវិញផង ហើយនឹងអត្ដចរិករបស់ប្រជាពលរដ្ឋខ្មែរផ្កាប់មុខនឹងពូជស្ដេចផង ហូជីមីបានបញ្ជូនប្រេសិតរបស់វាអោយទៅទាក់ទង សីហនុអោយមកចូលរួមជា១ពួកពល ពត ដើម្បីគៀងគរទ័បប្រឆាំងនឹងពួកលន់ នុល។ ចំនែកពួកលន់ នុល ក៏មានក្រុមគិតតែប្រយោជន៍ផ្ទាល់ខ្លួន ហើយប្រឆាំងខ្លួន ទៅគាំទ្រសីហនុវិញ ហើយបង្កចលាចល បំបែកបាក់ផ្ទៃក្នុង ស្របពេលជា១នឹងអាមេរិចមានបញ្ហាកង្វះថវិកាជួយខ្លួន ផងនោះ មិនយូរប៉ុន្មាន ប្រជាពលរដ្ឋខ្មែរ ក៏បានចាញ់ការឃោសនារបស់ក្រុមសីហនុ អោយរត់ចូលព្រៃ ដើម្បីតស៊ូប្រឆាំងពួកចក្រព័ត្រ (អាមេរិច...) ហើយក៏នាំគ្នារត់ចូលព្រៃទៅនៅជា១ ក្រុមយួនយៀកកុង យៀកមិញដែលជាទ័ពរបស់ហូជីមីញ។

នៅបំផុត ពួកសីហនុពីជាអូសទាញសេចក្ដីស្រលាញ់បានពីប្រជាពលរដ្ឋខ្មែរសំរេចមែន មានកំលាំង បូករួមនឹងកំលាំងរបស់យួននៅក្រោយផង រហូតអាចយកជ័យជំនៈលើ ទ័ពលន់ នុល នៅឆ្នាំ១៩៧៥។ ពេលនេះហើយជាចំនុចចាប់ផ្ដើមនៃរបបថ្មី គឺរបបកម្ពូជាប្រជាធិបតេយ្យដែលនឹកនាំដោយពួកអ្នកនយោបាយស្រលាញ់មនោគមន៍កុម្មុយនីស។ សរុបមកទាំងសម័យរាស្ដ្រនិយមនិងសម័យលន់ នុលគឺអត់មានអ្វីសល់សំរាប់រាស្ដ្រខ្មែរក្រៅអំពីប្រវត្ដិដ៏ឈឺចាប់ខ្លោចផ្សារនោះឡើយ។
ធ្លាក់ចូលរបបកម្ពុជាប្រធិបតេយ្យនេះគឺជារបបដ៏មហាអស្ចារ្យ មហាលោតផ្លោះ អស្ចារ្យមែនពិភពលោស្គល់ប្រទេសខ្មែរដោយសាររបបនេះ ហើយមហាលោតផ្លោះមែន គឺផ្លោះមិនអោយខ្មែរដឹងខ្លួនទាន់ ហើយគៀងយកទៅសំលាប់ចោលក្រោមបញ្ជាពីអង្គការ។ នៅសម័យនេះថ្វីត្បិតតែសំលាប់ខ្មែរពិតមែន តែបានកសាងស្នាដៃដែលអាចជាប្រយោជន៍ដល់រាស្ដ្រខ្មែររហូតឥឡូវ។
ចំនែកឯគោលនយោបាយការបរទេសរបស់ពួកគេគឺមហាមិត្ដជា១ចិនិងយួន។
នៅក្នុងរបបនេះជាផែនការសំលាប់ខ្មែរបំផុតពូជសាសន៍របស់យួន ដោយមិនអោយដឹងខ្លួនទាន់ និងបន្ដមិនអោយដឹងខ្លួនថានរណាជាឃាតករពិតប្រាកដជារឿងរហូត។ ដោយសារនេះជាទុក្ខលំបាកដ៏ធំបំផុតរបស់ប្រជាពលរដ្ឋខ្មែរ ដែលចារជាប្រវត្ដិសាស្ដ្រផងដែរនោះ ពួកគេមិនខ្វល់រឿងអ្នកជួយជានរណាឡើយ សំខាន់អោយតែមានអ្នកជួយគឺខ្មែរនឹងដឹងគុណគេរហូត។ ទីបំផុត គេអាចធ្វើអោយខ្មែរមិនដឹងខ្លួនថានរណាជាឃាតករពិតប្រាកដជារៀងរហូតមែន
តាមរយះផ្ទាំងទស្សន័យភាពថ្មី គឺចលនារណសិរ្យ២ឆ្នូ ១៩៧៨។ ផ្ទាំងទស្សន័យភាពថ្មីនេះ បានកាឡាខ្លួន ទៅជាវាំងនននៃការសង្គ្រោះអាយុជីវិតប្រជាពលរដ្ឋខ្មែរក្រោយពីផែនការនៃការសំលាប់របស់គេបានសំរេច នៅថ្ងៃ៧ មករា ១៩៧៩ ហើយខ្មែរដឹងគុណគេដល់សព្វថ្ងៃៀតនេះទៀតក្រោមរបបថ្មីគឺរបបហ៊ុន សែន។
(ទោះតាំងពីនោះមកផ្លាស់ប្ដូរច្រើនរបបក៏ដោយ តែវាជាការគ្រប់គ្រងដោយហ៊ុន សែនតែម្ដង ដូច្នេះខ្ញុំសូមហៅថាជារបៀបហ៊ុន សែន)។
ត្រលប់ក្រោយវិញ ជាលទ្ធផលរបបកម្ពុជាប្រជាធិបតេយ្យ គឺពលរដ្ឋខ្មែរត្រូវបានគេសំលាប់ររាប់លាននាក់ហើយ ខ្មែរដឹងគុណសត្រូវដែលជាឃាតករជាអ្នកមានគុណដល់ឥឡូវ។

ក្នុងរបបថ្មីរបស់ហ៊ុន សែនមានគោលនយោបាយដូចជា ធ្វើសង្គ្រាមក្នុងស្រុក យករាស្ដ្រខ្មែរទៅអោយងាប់នៅសមរភូមិប្រយុទ្ធខ្មែរនិងខ្មែរ ក្រោយមកដើម្បីបញ្ចប់ជំលោះ គ្នាចរចាចែកគ្នាស៊ី បន្ទាប់មកធ្វើនយោបាយជាន់ក្បាលរាស្ដ្រ ខាបយកសេចក្ដីស្រលាញ់ពីរាស្ដ្រ ដែលចែកសារុងក្រម៉ា សន្យាអោយនេះឬអោយនោះ ចុះជួយច្រូតស្រូវ និងស្ទូងស្រូវរាស្ដ្រ រួចហើយដើរគុណរាស្ដ្រ បន្ទាប់មកអោយរាស្ដ្រដឹងគុណវិញ ៧មករា១៩៧៩។(ដឹងគុណសត្រូវដែលជាឃាតិករ)។

នយោបាយការបរទេស បន្ដមិត្ដម៉ឺនឆ្នាំជា១ចិននិងយួនដដែល  ខ្ចីបំនុលបរទេសមកសាងសាលារៀន មន្ទីរពេទ្យ ផ្លូវថ្នល់ ប្រឡាយទឹក រួចហើយដាក់ឈ្មោះសម្ដេច។ ផ្ដល់សម្បទានដីរ៉ែដីព្រៃ៩៩ឆ្នាំរាប់ម៉ឺនលានហិតាអោយចិនអោយួន ជាលទ្ធផល
រាស្ដ្រយំរាល់ថ្ងៃ ជិត១ប្រទេសទៅខ្ញុំគេនៅថៃ ម៉ាលេ កូរ៉េ និងប្រទេសផ្សេងៗអញ្ចឹងទៅ។
ឯមេដឹកនាំឡើងងារជាងស្ដេចដែលជាអ្នកដាក់ងារអោយនោះទៅទៀត។

សរុបមក ពីសង្គមរាស្ដ្រនិយមដល់ឥឡូវ មេដឹកនាំខ្មែរគឺមានអីនិងអត់អី??
គឺមកដឹកនាំខ្មែរ គឺមានតែរឿងអន់និងអារឿងខ្លាំង។
អារឿងអន់នោះគឺទុច្ចរិច ល្ងង់ល្ងិត អត់ទស្សនៈវិស័យក្នុងការដោះស្រាយបញ្ហាសង្គម គឺខ្វាក់។ តែដល់អត់មានគឺភាពសុចរិត និងទស្សនៈវិស័យក្នុងការដោះស្រាយបញ្ហាសង្គម។
(លើកលែងលន់ នុល តែខ្វះសមត្ថភាពកសាងកំលាំងអត់ទាន់)។